တောရိုင်းတိရစ္ဆာန်ကယ်ဆယ်ရေးအဖွဲ့တစ်ခုဖြစ်တဲ့ Rhino Revolution အဖွဲ့က ဦးစီးဦးရွက်ပြုပြီး ကယ်ဆယ်နိုင်ခဲ့တဲ့ ကြံ့(၅)ကောင်ကို အစိုးရက ထိန်းသိမ်းစောင့်ရှောက်ထားတဲ့ ဘေးမဲ့တောကြီးထဲမှာ ပြန်လွှတ်ပေးခဲ့ကြောင်း သိရပါတယ်။ ဒီကြံ့တွေရဲ့ မိခင်တွေဟာ မုဆိုးတွေရဲ့ ဖမ်းဆီးသတ်ဖြတ်ခံထားရလို့ မိဘမဲ့နေကြပါတယ်။

SWNS

အဲဒီကြံ့တွေကို ပြီးခဲ့တဲ့(၂)နှစ်ခန့်က ကယ်ဆယ်နိုင်ခဲ့တာဖြစ်ပြီး၊ အခုအခါမှာတော့ ကိုယ့်လမ်းကိုယ်ကြောင်းနိုင်ပြီဖြစ်လို့ တောထဲကို ပြန်လွှတ်ပေးခဲ့တာပါ။ ကြံ့(၅)ကောင်စလုံးဟာ မှောင်ခိုသမားတွေရဲ့ ချိုဖြတ်တောက်ခြင်း ခံထားကြရပြီး ကယ်ဆယ်ရေးအဖွဲ့ဝင်တွေနဲ့ ကြာရှည်နေခဲ့ရလို့ အလွန်ရင်းနီးနေပါပြီ။

SWNS

Rhino Revolution အဖွဲ့ရဲ့ CEO ဖြစ်တဲ့ Phil Ovens က “အခုလို သူတို့ကို ဘေးရန်ကင်းကင်းနဲ့ တောထဲကို လွှတ်ပေးနိုင်ခဲ့လို့ စိတ်ချမ်းသာရသလို၊ ဂုဏ်လည်းယူပါတယ် .. အခုဆို မှောင်ခိုမုဆိုးတိုက်ဖြတ်ရေးဆိုတဲ့ မျှော်လင့်ချက်ကလည်း ပိုပြီးလင်းလက်လာပါပြီ” လို့ ပြောခဲ့ပါတယ်။

SWNS

Rhino Revolution’s Orphanage and Rehabilitation Centre ဟာ တောင်အာဖရိကနိုင်ငံ၊ Hoedspruit မြို့ အပြင်ဘက်မှာ တည်ရှိပြီး အဲဒီစောင့်ရှောက်ရေးဂေဟာမှာ ကြံ့ပေါက်(၅)ကောင်စလုံးကို ထိန်းသိမ်းစောင့်ရှောက်ခဲ့တာပါ။ တာဝန်ယူစောင့်ရှောက်တဲ့ တိ/ကုဆရာတွေကတော့ Natalie Rogers နဲ့ Jade Aldridge တို့ ဖြစ်ပါတယ်။

READ
ရက်ရက်စက်စက် အဓမ္မကျင့်သတ်ဖြတ်ပြီး၊ မီးရှို့ခံရတဲ့ ဖိလစ်ပိုင် ဘဏ်ဝန်ထမ်းမလေး
SWNS

နတ်စည်တော် (Shwemom)